太陽娛樂老闆洗米華（周焯華）同老婆陳慧玲(Heidi)，育有兩女梓潼、羨潼。梓潼今個月31日，就到15歲生日喇！雖然只有15歲，但洗米嫂已經打算送佢到英國讀書，相信係想梓潼能夠放眼世界，擴闊視野！
之前已經有報道指，洗米嫂一家人會喺今個月中，舉家陪梓潼去英國，據知洗米嫂將於日內就同梓潼出發去英國，而近日洗米嫂就係Instagram不時上載同兩個囡囡四圍去玩嘅相，大前日佢就貼咗同埋大仔周柏豪一齊喺香港坐摩天輪嘅相，有朋友見到細女羨潼「放蚊」打呵欠，好鬼可愛！
除咗同兩個女嚟香港玩，洗米嫂仲有帶佢哋去澳門參觀「Our Sanrio Times」，佢哋仲好開心咁同啲卡通人物合照，相信洗米嫂係想爭取多啲時間陪吓梓潼，咪帶佢四圍玩。