【馮仁昭四圍超】雨僑兩年內嫁羅力威

【馮仁昭四圍超】雨僑兩年內嫁羅力威

雨僑噚日喺商台宣傳新歌《花季》,歌曲係講女仔等男仔搵自己,現實中嘅話,佢唔會等一個人。而當初同男友羅力威拍拖,就試過對方冇出現,自己就搵朋友陪食飯。
至於𠵱家同羅力威係咪等同已結婚?雨僑話:「冇形式上嘅求婚,但原則上表達咗,我哋稍後會上婚前輔導班,但結婚唔會今年,搵場地搵唔切。」佢話大家有共識,會係兩年內嘅事。
撰文:馮仁昭