識睇一定睇大公報！開誠布公，挑機反問，內地執法人員點會咁魯莽，「會如此便宜反對派嗎？」
釘廿口，送給基督徒的你，十字架配大腿，邊有咁肉感先！大公報洞悉內情，舉凡被內地執法人員盯上的，唔係李波，就係林榮基模式。再嚴峻的，是桂民海那種，別說旺角砵蘭街，去到泰國都會被消失，唔使出境通關，直接出現在CCTV新聞，痛哭流涕認罪！所以，林子健大腿釘十字架mode，大公報以專家口吻，確認絕不可能是黨的傑作！還在不斷剃楊主教眼眉，將內地教堂十字架拆個一件不留的中共執法人員，試問點會咁疏爽，送香港基督徒十字釘架！盲嘅都知，林子健唔係愛國愛教人辦蔡若蓮呀！
以事論事，大白天鬧市挾走兼大腿落釘，算是便宜了反對派嗎？大公報無謂玩神秘，索性加大威懾力度，公開內地執法部門對付反對派的唔便宜手段，是否包括當街劈人！淋鏹！燒屋！追撞！死全家！真係見過！今日西貢，明日西九，唔係嚇你！