周日法甲，里爾作客斯特拉斯堡，呢場波踢到下半場中段仍然互無紀錄，點知里爾門將邁治蘭喺63分鐘因為將個波掟向對手頭部，直接領紅被逐。不過，當時里爾已經用晒換人名額，教練比爾沙惟有派前鋒迪柏維利頂住先，但好快就失守。比爾沙見迪柏維利雞手鴨腳，即刻再變由守將伊巴謙阿馬度頂上，但後者再失兩球，最終大敗0:3完場。