鄭經翰同太太勞錦嫦雖然已結婚30年，但都仲非常恩愛。勞錦嫦除咗係鄭太之外，其實仲有一個身份，就係港姐冠軍，佢喺1981年仲參選香港小姐，仲拎埋冠軍同友誼小姐，不過其實佢係後補冠軍，因為當年冠軍原屬羅佩芝，不過由於羅佩芝被爆虛報年齡，最後被大台取消資格，而冠軍之位就由當年亞軍勞錦嫦補上，不過勞錦嫦卸任後未有加入娛樂圈，仲喺1987年同鄭經翰結婚。
反觀羅佩芝，雖然佢被取消冠軍資格．不過佢喺85年被賞識簽約做歌手，仲推出過專輯《好大的風》，而佢喺約滿之後，仲同大台簽約兩年拍劇。現時羅佩芝已經淡出娛圈，仲移居埋美國。