江美儀早前同男友吳君祥疑因聚少離多傳情變，連吳君如生日去英國嘅家庭聚會，江美儀都冇出席，事後江美儀無啦啦爆句「分開咗」，解釋係分開咗做嘢，吳君祥喺北京，江美儀喺香港拍嘢，因為要拍《街市》先去唔到英國，形容關係隨緣，冇進步亦冇退步，會盡力維繫!
咁江美儀都多次喺報道講過享受o依家嘅生活，覺得情侶就算日日見面都可以分開。江美儀完成手頭上嘅工作，日前出發去澳洲，喺機場被野生捕獲，相中見男友吳君祥冇同行。
昨日身在悉尼，貼咗幾張自拍相，話Sydney比Melbourne凍，仲去咗魚市場食?蠔、蝦同海膽，江美儀即刻「相機先食」，留言：「今日早餐求其食呢啲啦！」打hashtag「放假去旅行」及「好好善待自己」。不過，江美儀似乎打錯卡，佢標示喺天水圍，未知係咪太早未瞓醒。