【本報訊】林子健昨早現身兩個電台節目講述經歷，於商台節目中被主持人問到其精神是否健康時回應指「精神上面健康，我又唔覺得我有乜唔健康」。被追問是否有妄想症或服食精神科藥物時，林子健說：「其實我應該咁講，呢個第一係病人私隱，咁我只係話畀大家聽，我係非常清醒，亦冇乜妄想症，或者你所講嗰種幻覺、幻聽、被迫害。」
「冇人會咁釘自己大髀」
林子健重申，相信今次事件不涉私人恩怨，因為自己無欠任何卡數，亦沒有賭博和飲酒習慣。他在出席港台節目時，再被主持問到是否有妄想症時強調「我冇take嘢」、「連酒都唔飲」，否則警方在他近日到醫院接受驗血等身體檢查時，已會發現有問題，又強調「冇人會咁釘自己大髀」。
被問及獲釋回家後，即時浸洗衣物和沖涼，做法是否屬李柱銘所指般「愚蠢」時，林子健指「比起佢（李柱銘）作為律師，我梗係愚蠢」，重申只因為妻子指他身上衣服太臭，加上他被棄海灘遭海水浸過長時間，「所以就去沖涼，攞啲衫去浸」。
現時只想盡快按計劃到外國讀書的林子健說，會繼續配合警方調查，但錄取口供時會由律師陪同，並會確保自己在精神充足狀態下才進行。他並稱論文主題是「盼望與抗爭」，指現時寫論文是「難咗」，而今次遇襲體驗令他自己有更大反思。
■記者林俊謙