近期最多人關注嘅新聞主角，除咗涉偽造文書嘅興德校長陳章萍，當然仲包括報稱被懷疑內地人員擄走兼施酷刑嘅民主黨林子健；咁嚴重嘅事，保安局局長李家超都高度重視，日前都有開腔回應。而喺案件仲鬧得沸沸揚揚之際，李家超此時率團訪問內地，唔知會唔會順道為案件找尋破案線索？
政府出稿話，李家超今日下午率領代表團到廣州同深圳，進行為期兩日嘅禮節性訪問，團員包括保安局、香港警務處、入境事務處同海關人員。訪問期間，李家超會拜訪廣東省公安廳、廣州出入境邊防檢查總站、深圳市公安局同深圳出入境邊防檢查總站，聽日（16日）下午返港。