周日意大利超級盃喺羅馬奧林匹高球場上演，由拉素（圖）鬥祖雲達斯。拉素喺32分鐘由恩莫比尼射入12碼開紀錄。戰至54分鐘，恩莫比尼頂成2:0。不過，祖記喺85分鐘由保羅戴巴拿主射罰球破網追成1:2，補時一分鐘戴巴拿再射入12碼扳平2:2。不過，拉素最終憑後備上陣嘅梅治亞喺補時三分鐘絕殺，以3:2險勝祖記，四年來首度贏祖雲達斯並高舉意超盃。