趣趣地：尼馬「地標」炒鑊「甘」

以破世界轉會費紀錄2.22億歐元（約20億港元）由巴塞隆拿轉投巴黎聖日耳門（PSG）嘅巴西球星尼馬，辦妥轉會手續後周日終於喺法甲首度為PSG披甲。尼馬正選「地標」上陣嘅佢不負眾望，先喺62分鐘妙傳畀卡雲尼射成2:0，再喺完場前八分鐘接應卡雲尼橫傳後喺門前射入，首次喺法甲上陣就有入球助攻進賬，協助PSG以3:0擊敗甘岡，並取得聯賽兩連勝。