32歲嘅楊愛瑾（Miki）與永安太子爺郭永淳經歷8年風雨情，最終於去年4月結婚，今年3月底更一索得男，誕下精靈可愛嘅囝囝Luken。
Miki不時都會喺instagram貼上囝囝嘅萌照，日前一家三口去泳池游水，只得5個月大嘅Luken一啲都唔怕水，戴住水泡唔使人扶，自己都可以撐手踢腳，好搞笑。Miki留言﹕「Family day.baby Luken之前都係抱住游，今次等一次自己游水，開頭有啲緊張，之後慢慢適應咗就係咁踢下拍下。」
大家嘅焦點除咗係Luken BB之外，仲有Miki呢位索媽咪，唔夠半年已經完全修身，大騷23吋小蠻腰。有個得意囝囝同fit爆太太，難怪郭永淳每次影相都笑到四萬咁口。