東亞銀行（023）雖然係本地老牌家族銀行，但近年致力搞智能數碼化，開咗唔少智能數碼分行。不過前幾日華華去開銅鑼灣，發現時代廣場間智能數碼分行執咗，轉開輕食咖啡店Prêt à Manger，唔通銅鑼灣係文青多過high-tech潮人？
八卦一輪，原來東亞係因為租約期滿，所以將原本喺時代廣場不同層數嘅分行同顯卓理財中心，一齊搬去霎東街11號，改名做銅鑼灣霎東分行。
東亞家陣有60間智能數碼分行，時代廣場嗰間屬於第一批，2014年已經開幕。雖然地方細細，但當時開幕有成班董事畀面撐場，除咗主席李國寶、太子爺李民橋之外、獨董羅友禮同張建標都有現身，駐場分行經理仲有幾分似歌手梁詠琪（GiGi），唔知經理姐姐係咪會一齊搬去新分行呢？