【本報訊】高鐵一地兩檢民意戰開打，有不屬任何政黨的巿民不滿政府拒公眾諮詢，自費印製萬多張傳單，在各區擺街站，冀親身接觸巿民，集氣促政府擱置方案。現年30歲任職手工藝興趣班導師的袁健恩稱，香港邊界隨便「被遷移」是極嚴重的事，盼喚醒市民重視，更指特首林鄭月娥丈夫林兆波曾拒接傳單。
斥政府不做公眾諮詢
曾參與社運、但沒有加入政黨的袁健恩，不滿特區政府用謊言硬推一地兩檢方案，見民主派只集中在網上發聲，「覺得有啲離地」，約一個多星期前決定自費近3,000元，印製展板和萬多張反對一地兩檢單張，在工作時間外，與網上招攬的義工到港、九、新界各區擺設街站，親身向巿民解說一地兩檢的嚴重性，促請政府擱置一地兩檢方案，實施「兩地兩檢」，保障港人安全。
訪問當日，袁健恩放工後約7時半趕到中環交易廣場外天橋，與義工們開設攤檔，落手落腳派單張。袁健恩接受訪問時稱：「今次我哋（香港）連邊界都畀人遷移，呢個係一個好嚴重、好嚴重嘅問題，但社會上嘅反應好似好細，所以我希望可以引發多啲人去做嘢。」他狠評政府不肯做公眾諮詢，「即係連個假面具都費事戴，係『夾硬嚟』到一個程度，係唔使理香港人意願」。
袁發現不少巿民不清楚一地兩檢內容，更有人誤以為「兩地兩檢」是民主派提出，「其實兩地兩檢嘅可能性，唔係民主派講，係（運房局前局長）鄭汝樺講嘅」，更透露曾在灣仔天橋遇見林鄭丈夫林兆波，「動漫節嗰一日，佢（林兆波）見到我哋一個義工，義工嘗試派張單張畀佢，佢好閃縮咁匿埋就走咗」。
無黨無派的袁健恩感慨，雨傘運動至今，民主派分裂成不同派系，「我覺得任何行動都好，最緊要係要行動，然後睇效果，再去改進嗰啲行動咪好囉！好過大家只喺個網度鬧呢個、嗰個行動無用。」他認為群眾行動最重要的始終是「群眾」，「如果集結不到群眾，再響嘅口號都無用」。
■記者林俊謙