【本報訊】除投行和律師等，財經公關亦是決定新股上市成敗或股份銷情的重要一環。有資深公關指有行家為搶生意，免費為客戶提供上市前期服務，有包銷商更自行成立公關團隊，令業界雪上加霜，加上內地客戶一味價低者得，僧多粥少下，公關收費10年來「反通脹」不變。
包銷商兼營公關
一般而言，新股公開招股前會舉行記者會、投資者推介會、在媒體登廣告等增加曝光率，各項環節均需公關協助。有不具名的資深財經公關指，有專做蚊型新股的包銷商已自行成立公關團隊服務其客戶，毋須光顧外面公關，「莫講話大刁，而家連細刁都冇得做！」而且過去啤殼成風，尤其是創業板新股，「一早圍好飛，唔使面對公眾，更用唔着公關」。
該公關透露，現時公關的上市顧問費，大小新股都只約10萬元，「呢口價10幾年冇變，甚至有行家唔收𠻹！」不過大型新股有較多額外服務可另收費，如廣告、影片製作等，可涉過百萬元。該公關又指行內早掀減價戰，「大陸企業淨係睇價錢，邊個平就幫襯邊個，反而香港企業一般會睇埋服務質素和過往表現」。
今年首7個月，本港共95隻新股掛牌，當中61隻淨集資額不足1億元，暫只有一隻集資逾百億。提供公關及路演服務的皓天財經（1260）董事總經理岑浩宗稱，今年大型新股規模只屬去年的中型，大刁買少見少，又指行內競爭太大，服務費難上調。