警一哥：「以後記住，報警要第一時間，否則坐高鐵48分鐘就去咗廣州，快過飛機，點追個租客呢。」
菜弱憐副局：「我係一個基督徒，絕對唔會以這種方式送十字架俾一個男人。噢，別問我，愛國定愛教，條問題無助年輕人成長的需要。」
紅衣主教：「咁多個十字架？肯定屬僭建！」
馬屎坑主席：「明年通車之後，林先生，你醒來會發現自己唔喺西貢，而喺市中心的西九，的士錢都慳返唔少啊。斤斤計較大腿有幾口釘，無乜意思。」
手揸八千單聲請的保安局長：「都話啦，我地點處理呢種保安漏洞啫，要靠西九公安把關，到時搜行李一見有釘書機者，即刻推佢入內地司法管轄區！」
袁司長：「絕對不會隨便喺西貢copy一個西九。但好難應承下不為例，唔知強力部門鍾意邊忽地吖嘛。」
影子小學校長：「閣下境內遇到的是影子公安，真公安唔使出手，影子都可以釘死你！」