巴塞隆拿賣咗尼馬後，諗住買番利物浦嘅菲臘比古天奴（左）頂檔，前紅軍隊長謝拉特（右）知道巴塞𠵱家係咁向古天奴施壓，亦知好難抗拒，但就建議古天奴畀多年時間利物浦。紅軍領隊高路普話，如果班主願意出售古天奴都冇計，不過佢肯定班主唔會咁做。之但係有網民喺twitter鋪咗條片，係利物浦官方店舖撕緊古天奴巨型貼紙，唔通古仔真係走人？