又係一帶一路？無錯，就算689落台，呢4粒字都喺現屆政府「念念有詞」。
政務司長張建宗發表嘅最新網誌，先提到自己去咗香港大學生軍事生活體驗營個結業禮，之後就叫年輕人要為未來做好裝備，多到外地走走，體驗不同生活文化，擴闊視野。
增撥1億擴交流計劃
張建宗繼而就入正題，講到去年首度舉辦嘅「一帶一路」交流資助計劃，有成690位（如果係689位，事件認真夠玄）港青出訪23個沿線國家，體驗呢啲新興市場對個人同香港帶嚟嘅機遇，本年度預有過千人受惠，指政府已增撥一億擴展「國際青年交流計劃」，預計本年度受惠青年達多1,360人。
佢同時鼓勵年輕人積極參與義務工作，例如為內地、東南亞等地弱勢社群施以援手，培養正面積極價值觀，寄語年輕人「立足家國，放眼世界」。