趣趣地：列貝利幫女球證解帶

上周六德國盃首圈，拜仁慕尼黑以5:0大炒德丙嘅真尼沙晉級，呢場波由女球證碧比安娜（左）執法，入一球嘅拜仁中場列貝利（右），竟然幫碧比安娜解帶，認真大膽。大家唔好心邪，講緊嘅只不過係鞋帶啫，話說比賽期間列貝利有主射罰球機會，當時碧比安娜就安排人牆位置，列貝利就手多多解咗碧比安娜條鞋帶。碧比安娜發現後作勢打列貝利一吓。