經歷香港電影黃金時期、演過不少惡人的程東，想不到都有角色衰到他自己都吃不消，原來是拜《古惑仔情義篇之洪興十三妹》編劇文雋所賜，程東說：「開頭文雋同我講『喂，你返嚟幫我拍啦，呢個延續篇，當年《古惑仔》都好犀利』，我睇完劇本話麻麻咋， 一係就寫多啲啦，寫得咁少，唔拍啦。文雋即打蛇隨棍上，一句『你講㗎』，冇耐就寫咗出嚟。」一看之下，連見慣大場面的程東都嚇了一跳：「嘩！呢個角色點做呀？」
原來文雋安排程東講每句對白之前，都先向對手吐一啖口水，片中最多對手戲的就是十三妹吳君如。程東說：「佢問我你夠唔夠膽咁做，結果我去到最尾都做唔到，每個鏡頭停落嚟都差唔多要NG。」最後這個小動作被取消了。
採訪：Sapna