【星二代放暑假】伍文生曾經在無綫的兒童節目《閃電傳真機》做主持，現已轉行幫外父打理餐廳生意，與太太育有一女兩仔，分別是8歲大女以霖、6歲二仔浩霖及3歲細仔曦霖。伍文生希望仔女接觸新事物，趁着暑假，兩公婆帶同三個小朋友去科學園，去學近年興起的航拍親子班，他表示：「上近年興起嘅航拍課程，小朋友鍾意試新嘢，又鍾意影相，呢次學呢個航拍機，齋用手都可以控制，大人、小朋友都可以一齊玩。」
了解小朋友
現場所見，伍文生的大女以霖玩得最投入，成功將自己控制的航拍機升上空中，即拍手大笑，而伍文生就捉實兩個年紀較小的囝囝一齊玩。做了兒童節目主持8年的他，當然熟悉鍾意玩是小朋友的天性，亦明白快樂童年對小朋友將來影響深遠，所以他絕不做怪獸家長，認為學業不是求分數，故安排小朋友就讀住家附近，只距離3分鐘路程的資助小學，可以慳回時間盡情玩樂。
接觸大自然
伍文生說：「其實幾歲人仔，求知欲同好奇心旺盛，多啲帶佢哋出去玩，擴闊佢哋嘅生活圈子，從中探索吸收新事物，佢哋有興趣自然容易吸收，又覺得開心。我幾個小朋友都鍾意游水，如果泳池同沙灘揀，我哋會揀沙灘，一嚟佢哋可以玩沙，二嚟可以趁機接觸多啲大自然。」
採訪：王梓嫚
鳴謝：OTG OnTheGo創動樂
想隨時獲得更多親子資訊，快啲like Easy PaMa Facebook啦！
https://goo.gl/1qWM8g