年僅23歲的澳洲新星祈普敦，上季初次來港策騎，即獲40場頭馬，在騎師榜排名第六。還未計馬主打賞，單是策騎費連獎金收入，已近500萬元，可以話少年得志。
祈普敦來港前名氣不大，但卻獲得冠軍練馬師蔡約翰支持，臨季尾提供不少座騎合作機會，除了本身騎功好之外，究竟敦敦有何成功秘訣，如何打動蔡約翰呢？
祈普敦說：「我同蔡約翰第一匹合作嘅戰駒係『龍船』，當時係去年9月18日季初階段，嗰場『龍船』跑包尾，之後逾半年他沒有馬給我跑。我們大家都係澳洲人，但並唔熟落。」
「但唔熟落並不代表我會就此罷休，我知道佢鼎力支持雷神莫雷拉，每次賽事報名表一出，我一定發短訊畀蔡約翰，表示自己好渴望為他效勞，我的性格是不介意面懵，最初完全冇回音。但我沒停止發短訊，可能終於打動到蔡約翰，又或者他心諗：『成日收到你的短訊，真是怕了你，就給個機會你試試啦！』」
「到5月下旬季尾階段，他終於回覆我，希望我能出策『秘密武器』出戰田草1200米賽事，我當然答應，料不到還爆17倍冷門贏馬，全靠自己面皮厚，才得到回報。」
祈普敦表示會長駐香港發展，希望有朝一日可以好像雷神莫雷拉般，成為家喻戶曉的偶像級冠軍騎師。