【本報訊】高樓底最實際的好處是可以加建空間做閣樓，不過，每樣美好的事物都要付出代價，其中一樣是冷氣費，另一樣就是難以清潔天花及換燈。
換燈不方便
以近期日日超過攝氏30度的天氣，開冷氣好正常，如果單位樓底高，要令室溫下調，自然需要花更多時間及電力，隨時出現「好耐都唔涼」，電費自然會較多。
另一個問題，是難以清潔天花及換燈，如果身形較矮細的住戶，用埋梯，都未必太夠高接觸到天花，清潔時好困難，換燈都不方便。此外，一些廚房做到頂的櫃根本用不着，取和放物品都不太方便。
設計師Ernest Tsui 表示，在高樓底單位佈置家具時，可能有時要用梯幫手，但有高樓底，家居佈置一定較有發揮空間，可做假天花或閣樓，上面做床，下面做工作間，空間感大少少，相對住得較舒服。