近排流感高峯期，連捐血嘅人都少咗，紅十字會血庫再度告急。紅十字會話𠵱家每日只有約800個市民捐血，距離每日需要1,100人捐血嘅目標差好遠，所以全部血型嘅液存量已經下降到嚴重短缺水平，呼籲市民立即去捐血，幫助有需要嘅病人。
紅十字會發言人估計，過去幾星期血液收集量持續下降，相信同天氣唔穩定、夏季流感高峯期同埋學校開始放暑假等因素有關。今年6、7月嘅收血量同舊年同期比，減少咗約6,000個單位。
為咗方便市民去捐血，銅鑼灣、沙田、觀塘同元朗等捐血站由今日至20日期間，都會延長服務時間，開放時間由上午11時到晚上8時。而中區捐血站則會於星期一至六延長服務時間至8時，想捐血嘅市民可以留意番捐血站嘅開放時間。