一直有個咖啡夢嘅陳豪，去年終於圓夢，喺荃灣開設咖啡烘焙工場「Blooms Roastery & Craft Tea」，建立自家咖啡品牌。據了解，陳豪仲喺荷蘭引入價值數十萬、以電腦控制嘅炒豆機，賣嘅係淺度烘焙罐裝咖啡豆。而老婆陳茵媺就試過半夜去咗老公嘅烘培工場，歎住咖啡咁幫老公賣吓廣告。除咗自設咖啡烘培工場，陳豪仲同金牌監製戚其義喺天后開咗間「甜姨姨私房甜品」，呢間甜品店嘅招牌作芝麻豆腐西米露配芝麻雪糕，更獲美國雜誌《Travel+Leisure》嘅青睞，店舖更因而被選為全世界最佳甜品店之一。