何廣沛人氣急升，一年有多部劇集推出，而且反應不俗，昨日他在商台接受訪問時，被問到是不是有更多搵真銀的機會，他說：「希望努力儲吓錢可以買車，上年目標係呢個，今年應該實現到，我都係想用來代步，假日同家人去郊外玩方便啲。」他表示現在仍然會逼巴士，坐公共交通工具，亦不怕被人認出，甚至影相。
何廣沛與家人同住，不過，他揚言是冇女埋身：「我唔掂可能冇人睇得上眼，拍完劇其實都少聯絡，呢行好現實拍完就少見，友情只係回憶。」他透露新劇跟張曦雯和陳瀅再合作：「唔理佢哋（係咪單身）都合作，工作至上。」對於年尾攞獎呼聲高：「最緊要得獎係大家認同，想係個個戥我開心。」
採訪、攝影：王連連