史上最大宗IPO、市傳集資高達1,000億美元（7,800億港元）嘅沙地阿拉伯國營油企沙地阿美（Aramco），最終決定去邊度上市仍然係一個謎，搞到全球各地交易所乾着急。
港交所（388）行政總裁李小加亦唔例外，噚日接受《彭博》電視訪問又再提多次，話新股通係吸引Aramco嚟香港上市嘅關鍵，強調新股通係最好嘅途徑畀中國投資者投資Aramco，而Aramco來港上市亦係推出新股通催化劑。
不過，新股通暫時十劃都未有一撇，加上外面盛傳本港獲「油王」選中嘅機會細啲，小加總裁睇嚟要加多兩錢肉緊，sell多兩句先得喇！
李華華