鄧達智上次由生日宴送戒指變訂婚宴，身邊太多好友錯過重要時刻，兩人將於下月9日再擺百人宴，由盧覓雪做主持，恍如他倆的結婚酒，William說：「我就叫佢做『喜宴』，我唔想將佢界定為世俗眼光接受嘅嘢。我同Clement商量咗，不如當一個party啦，羅漢請觀音，唔好送禮，大家AA制嘅party。」
最憎世俗mode，兩人不會有所謂「禮服」、「度蜜月」，但未來日子決定攜手環遊世界，派對過後，先去日本白濱浸溫泉，明年去足一個月，由挪威行山到冰島觀賞大自然，再去西西里陽光海灘，William說：「我去旅行一向係carefree，去到邊住到邊，佢就一年前plan定，我好享受有人安排，我話你唔好轉去做私家醫生，唔係就冇得再放假！」
更多精采時尚內容，盡在 http://add.appledaily.com 。