謝賢（四哥）日前作客奇妙電視節目訪問，細數生命中的五個女人，他說：「第一個係嘉玲，失敗係當年太貪玩，細個冇錢，後來有錢出去喪玩，有日佢同我講要結婚，嫁去泰國！」蕭芳芳是四哥第二任女友，他說：「芳芳好乖，係我決定要離開佢，有日佢提議我去學英文，我連玩都唔夠時間，知道佢係好女仔，咁我就唔好害人啦！」
四哥和甄珍的結合是在光藝年代，二人結婚一年便分手，四哥說：「簽咗離婚紙後，我駕車上山頂喊咗15分鐘。」而四哥形容狄波拉是賢妻：「簽紙離婚後太開心，我抱住佢轉咗三個圈，睇到律師呆咗。」四哥與現任女友Coco拍拖逾10年，坦言不會再婚：「兩張婚書我都撕爛咗，仲結嚟做乜！況且我都80後啦，所以我叫佢遇到個好嘅就走啦！」
撰文：栐仁