你屋企最多乜嘢儲糧。「薯片！一定係薯片。」
狄娜般橫卧梳化，自稱「廢青十九窮風流」的葉子騫（Edward），食住corndog精神爽利的答。作為一個 「在家工作」、「足不出戶」的廢青，佢多次強調，廢青唔一定好似阿源咁，他不會讓自己哩哩啡啡、一臉鬍渣的樣子走落街，破壞形像。所以換衫梳妝落街，同盡用雪櫃資源自製光速餐醫肚之間，佢揀後者，「我人本身都是這樣，要懶啦，貪方便啦，要簡單啦。盡用雪櫃資源，是常識吧。」
對，作為一個全職炒散寫字人/Slash，老細收工就係佢收柯打開工之時。突如其來，或因為多勞多得的工作模式之間，仲要記住街市、超市、茶仔幾點收，趕落街買餸回來又洗又切又醃，個幾鐘喎有冇咁奢侈呀。於是，他出了本十九廢青餐單，將雪櫃的薯片、腸仔、雜豆、菜頭菜尾、午餐肉，變成出得廳堂的靚菜式。由超光速15秒有得食的薯片三文治、豆腐花撈飯；到嚇得吓人的原個芝士通粉焗釀午餐肉，都係35分鐘有得食。他的啟蒙菜，是這樣的：「小時候看英文台，教班阿姨做簡單小食，就係薯片三文治。」方包，塗上厚厚花生醬，手執大把珍x薯片一手包起佢塞入口，好毒，但嗰隻咔喇聲，那零碎掉落的薯片碎，傳達着狂野與放縱的滋味，「嗰陣媽媽仲同我一齊做，變成第一個廢青食譜。然後就到看《伙頭仔昆布》，跟住就變成咁。」
又有時候，與麻甩朋友共聚打邊爐，嘴上喊：「唔好食咁多垃圾食物啦，唔健康呀。」手裏的墨丸魚蛋芝士腸就一股腦往鍋裏扔。食剩咯，「帶走帶走！」撈起塞晒畀「在家工作要儲糧」的十九廢青。世間事不知怎分對錯，第二日大家又興致勃勃走去廢青家飯聚，「我就炸番晒畀佢哋！」墨丸腸仔沾媽咪麵炸至金黃，咬落外脆肉軟，有時仲有芝士拉絲，「佢哋係咁『好食好食』就清咗，仲問係乜來。」賤笑着加一副苦口婆心，「我都係想佢哋唔好浪費箒！」
書展簽書會上，有醫生作者看到他的身形與食譜，皺着眉如臨大敵：「哎呀！我花幾十年研究，教人健康養生飲食，你出本『咁嘅書』！」他笑：「如果我早二十年出世，我都可能是魚翅撈飯的人。」可惜，天意弄人。「我會想說廢青其實是種代溝，為何長輩們笑我們是廢青，他們不明白我們，覺得為何我們總是岩岩巉巉。」幾多歲都是不成熟，不夠得體。不過，用它們做些變化，扮吓嘢，做些能吃又好玩的食物，偶爾放縱，也可能是別條出路，「這些食物，未必被人看得起。因為它不健康、因為又多鹽又怎樣。但我覺得，既然避不過，何不讓它變得更有趣更吸引。」comfort food通常都毒毒哋，視乎你怎看。「我就跟你們拗頸，試試將它們變成令大家快樂的菜式。」
記者：陳慧敏
攝影：徐振國
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily