一講到彭丹，大家好易就會諗起佢係政協、一字馬、身材等等，但其實彭丹細細個已經好厲害，八歲嘅時候，彭丹就被大陸選去北京學芭蕾舞，喺北京舞蹈學校畢業，又係中央芭蕾舞團嘅成員，仲成為咗舞蹈團最後生嘅一位，而佢最拿手就係跳《紅樓舞》入面薜寶釵嘅獨舞。
91年彭丹獲得世界聞名嘅紐約茱麗亞學院頒予全費獎學金，去到美國深造芭蕾舞，後來佢參加咗三次選美，三次都攞咗冠軍。
舞技咁強勁，除咗令彭丹得到咁多成就，仲令佢識咗好多人，彭丹講過，因為以前有國家元首或者外國來訪嘅貴賓，其中一個餘慶節目，就係睇中央芭蕾舞團嘅表演，即係彭丹，所以當時佢就識咗李鵬、江澤民，不過佢就未見過鄧小平。
彭丹曾經喺訪問入面講過，嘉禾嘅鄒定歐搵過佢，想做佢嘅經理人，又仲話想佢學功夫，走打女路線，話因為佢有舞蹈底子，學功夫應該會手到拿來，佢自己仲話如果佢走呢條路線，一定可以做到第二個楊紫瓊，不過最後因為彭丹想陪多啲父母，最後都冇成為打女。