以前選港姐係晉身豪門嘅機會，不過今時今日就唔同晒，有唔少參選前已經有晒男友，仲要個個都係才俊嚟o添！
馮盈盈
去年港姐冠軍馮盈盈喺參選時已經自爆有男友，之後男友仲極速被起底，男友原來係十優醫生男友，馮盈盈為咗保護男友身份，刪咗唔少社交網站上嘅合照。
龐卓欣
2015年嘅港姐亞軍龐卓欣出身豪門，當選後未有同大台簽約，反而去做YouTuber，佢男友嘅家世都有返咁上下，男友孫智威（Solomon）係「鐘錶大王」孫秉樞嘅孫仔。
郭嘉文
與龐卓欣同屆嘅季軍郭嘉文今年24歲，男友就係「城中筍盤」小小超李澤楷，郭嘉文早前仲同大台約滿，離開工作兩年嘅大台，仲不時被影到同小小超拍拖，非常咁恩愛。
陳凱琳
2013年港姐冠軍陳凱琳，當選後仲極速被大台安排拍劇，不過喺拍《殭》同同劇嘅鄭嘉穎擦出愛火花，佢哋亦唔介意公開關係。