阿仙奴前鋒阿歷斯山齊士腹部肌肉受傷休戰兩周，踢唔到頭兩場英超比賽。兵工廠禮拜五會喺主場對李斯特城，上演今季英超揭幕戰，但領隊雲格喺記招透露，呢名仲有一年約滿嘅智利球星無法候命。有記者問山神會唔會續約，雲格就話：「一直都有可能。當一個球員嚟到最後一年合約，我都好想同佢續約，只係未續箒。」