曾經做過神獸天使「唔持狗」嘅2011年落選港姐胡中慧（Sandy），喺2015年同圈外男友喺悉尼註冊結婚之後，冇耐就生咗囡囡Chloe，跟住佢專心做全職媽咪，喺上個月尾再做媽咪，生咗細女Sophie！
話晒有咗第一胎嘅經驗，所以Sandy陀住第二胎時，繼續飲飲食食，帶住大女Chloe周圍去，得閒又同以前啲姊妹，好似「騰騰雞」蔡慧欣、《東張西望》主持梁麗翹同「Sing之天使」雪梨林芊妤(Coffee)見吓面，比起以前做藝人嘅生活，梗係開心得多喇！
Sandy仲好勤力更新ig，近排擺咗好多相同短片，其中一條短片係大女Chloe抱住細女Sophie，輕輕力摸妹妹個頭，真係好有愛！