護膚界有條金科玉律：「25歲是最佳抗老年齡。」要延緩肌膚狀態老化，除了選用針對抗皺、提拉緊致、抗氧化等功效的護膚品外，也可從內在開始抗衰老，學識幾招瑜伽招式，增加氧氣吸入量，改善血液循環，即使年過25，持之以恒練習也有助皮膚延緩老化。
採訪：趙潔恆
攝影：周樂恒
服裝提供：adidas
場地提供：YogaUp
今次示範的魏秋琪，教授瑜伽逾十年，她笑言：「好多瑜伽人都會話你幾歲開始練yoga，你嘅年紀都好似會停留喺嗰時咁，我唔知真定假，如果我係25歲開始，希望我可以停住25啦。」
秋琪今年已經30多歲，而且育有一個8歲大的兒子，看她臉上淡紋也不多見，她也認同這項運動令她保持年輕：「因為做瑜伽會做好多呼吸練習，將肺容量打開，改善心血管系統，將氧氣直接帶入血液，就是最有效嘅anti-aging。」另外，瑜伽動作有不少inversion倒置動作（即頭的位置低於心臟），「反地心吸力嘅動作可以改善皮膚下垂，增強血液循環，仲有好多後彎動作，拉番長脊骨，打開胸口，平時我哋好多動作都係向前彎曲身體，好似坐喺度打字，個人身體向前縮埋，所以會見到好多老人家都會咁樣，如果增加脊骨柔軟度，個人亦都會健康，亦係另一個層次嘅anti-aging。」
皮膚反映內臟
秋琪同時指出瑜伽動作可以令內臟同步運動，由內改善健康，「要知一個人內臟健唔健康，都會睇吓皮膚好唔好，皮膚係人體最大嘅器官，內臟唔好皮膚會反映到。」運動當然要配合飲食才可發揮最佳效果，秋琪雖說沒有特別戒口，但也會注意多吃鹼性食物，例如大部份蔬果和全穀雜糧。
入門級
1.眼鏡蛇式
作用：拉長脊骨，打開胸口。
2.下犬式
作用：拉長脊骨，反地心吸力。
3.橋式
作用：打開膊頭，拉長頸部，反地心吸力。
更多精采時尚內容，盡在 http://add.appledaily.com 。