榜首大阪櫻花（白衫）周三喺日聯慘遭翻盤，上半場領先主場嘅清水心跳兩球，點知下半場戰情180度逆轉，金子翔太喺51分鐘幫心跳射入12碼後，北川航也及後梅開二度，結果心跳以3:2成就呢場大反擊，開出34倍嘅[客/主]。櫻花三分全失之餘仲失埋榜首，因為勁敵鹿島鹿角同日就作客2:1反勝神戶勝利船，𠵱家反壓櫻花兩分。