職工盟教育基金今日喺九龍區舉行賣旗日，原來佢哋今年特別同食物回收組織「食德好」打造別出心裁嘅綠色賣旗日，希望籌款時兼推廣環保，減少活動產生嘅廢物。到底可以點樣減廢？
基金會簽咗「綠瓶子承諾」，鼓勵義工們自備水樽兼下載應用程式「撲水」，因環保團體Urban Spring會設添水站為義工補水，透過個App就可以了解各區嘅添水位置，希望全力「去膠」，活動派畀義工作嘅食品，則由食「食德好」捐出，食物重量接近一公噸，預計活動可以減少浪費1,000個膠樽同一公噸剩食；宣傳印刷品亦採用環保紙張。
職工盟教育基金董事李卓人話呀，多得同事「絞盡腦汁」，諗下點樣喺各種限制下，盡力採取措施達致綠色賣旗，希望香港將來嘅賣旗活動都加入環保元素。