為老友，可以去到幾盡？馬來西亞建築服務公司璋利國際（1693）今日掛牌，為咗撐老友兼同鄉，「大馬羽毛球一哥」李宗偉今朝將會暫時放低羽毛球拍，現身港交所展覽廳同老友一齊敲鑼！
據了解，李宗偉同璋利主席吳明璋係好朋友，所以李宗偉就算月底要參加世界錦標賽，都專登犧牲少少練習時間，出席璋利上市儀式，唔知佢到時會唔會即場獻技，同大家磋番兩球？不過，據知佢敲完鑼食埋個午飯，就會飛返大馬繼續練習。
除咗李宗偉，同場仲會有大馬皇后駕到㖭！無呃你，係如假包換嘅馬來西亞吉打州皇后殿下。知情者話，皇后同吳明璋喺當地成日一齊做慈善活動，所以都係撐同鄉出席。
李華華