【本報訊】外國名廚、餐廳攻中國非新鮮事，但往往容易水土不服。到底是否中西存在文化鴻溝？在江門開設兩間餐廳的蔡家富笑言當地其實「冇（餐飲）文化」！
蔡指在內地開店係「好玩，好有挑戰，係一個鍛煉」，指自己是以先驅身份去闖，更要花時間教育當地食客，皆因內地三、四線城市的消費者可能「食蒜蓉包用刀叉，食三文治、burger（漢堡包）又係」。
內地人「食慣啲肉醃到鬆晒」
西餐多講求自然、原味，內地人卻「食慣咗啲肉醃到鬆晒，好滑，係完全剩得味精」，反過來嫌其出品肉味不夠。然而，隨着其餐廳開業，越來越多人願意試正宗西餐，並成為網紅店。蔡家富亦希望藉此幫助食客提升認知，改變江門餐飲文化。
雖然蔡家富有意在內地再開分店，但卻不想單靠名氣吸食客，自言心中只有一個目標，「係做一個出色嘅廚師」，打算更集中精力在「練功」：「廚師嘅廚藝同練武功一樣，你唔練功係唔會好打，你唔去煮係唔會好煮。」故他稱現時培訓員工的時候，只會教員工一些基本技巧，絕不賣弄花巧。蔡家富強調，想要有好廚藝，其實不是大眾想像般難，只要堅持去試就可以煮出美味，「廚房其實係common sense（常識），試味囉！你有條脷㗎嘛，你識食㗎嘛！」