夏天撞正激氣事，㷫到出汁，好在今個夏天有萌喵為大家療傷！
日本策展人TODAYS GALLERY STUDIO喺今個暑假，為港人帶嚟多達14個橫掃社交平台嘅日本人氣喵單位超療癒寫真，包括去年喺IG萌喵寫真排行榜佔第2位嘅Matsumotoooooo同第4位嘅Emi等等，呢班萌喵即日起至9月3日會喺旺角朗豪坊「Happy MEOWment猫燑夏日寫真館」中嘅主場館「ねこ休み展（貓咪休息寫真展）」出沒。同場另一個展館「港貓照相館」，就由本港星級貓擔大旗，計有尖東忌廉哥同街貓寫真家Basacat鏡頭下一眾個性系街貓。
展場仲設有「Print Your MEOWment打印館」，畀喵民透過IG即時列印主子嘅萌態喺展館貼堂，公諸同好！仲有特設嘅Pop-up Store獨賣多個日韓貓咪品牌精品，唔少仲係全球限量㗎，貓奴一定好滿足！