以18秒急口令式讀出158字「免責聲明」而一夜成名的大台前財經主播林芷彤，最近加入耀才證券（1428）做網上財經台主播。不過近年唔少證券行都大搞財經台，連民眾證券聽日都會有新台開，今時今日要係網絡突圍真係唔花心思唔得。
好似林芷彤咁，繼昨日午市以自己專長「急口令」報財經新聞後，收市再搞新意思，以Rap形式報導收市，玩gimmick玩到盡，亦借機會大show「口技」。
片段見到林芷彤同另一女主播區淑妍跟住拍子兼郁動身體，Rap出昨日收市價、騰訊（700）港交所（388）表現，仲有埋意見，「有升幅無波幅數金句太老套，轉睇法轉策略太針對聽到勞燥」。林芷彤自己都share條片，話「呢舖真係豁出去」。