意大利籍教練雲尼亞里今季執掌法甲球隊南特，不過喺新球季未能取得好開始，首戰作客同樣由新帥比爾沙帶領嘅里爾慘吞三蛋。今夏大事擴軍、羅致超過12名球員嘅里爾表現對辦，下半場48分鐘先由巴拉圭後衞祖利亞阿朗素開紀錄；迪柏維利其後射入12碼替里爾擴大領先優勢；主隊再由安華艾加斯「埋齋」大勝3:0完場。