【本報訊】有份建設主教山「土炮」健身設施的蘇志強，是沙士康復者，他猶如現代版愚公移山，一手一腳建長者康樂公園，長遠希望港府在每個社區都建造同類公園，紓緩人口老化帶來的問題。
製作15土炮器材
人稱「萬能蘇」的蘇志強，現年66歲，大半生從事五金飾物設計及產品製造工作，但2003年沙士襲港改變命運，他因到醫院探病而感染沙士病毒，康復後體力大不如前，「拎張報紙或者去街巿買餐餸，隻手都會痛到震」。他被迫提早退休，大約8年前隨長者到主教山晨運，靠運動鍛煉身體，亦開始思考如何利用工作所長改造該幅寶地。
蘇曾到韓國首爾旅遊，體驗過當地長者公園設施，加上他定期到醫院進行物理治療，得到靈感建造長者復康器材，但他體力有限，加上山上沒有水電供應，只能螞蟻搬家般分多次搬運上山。「器材要用水泥種地，一包20公斤，我喺屋企分咗40小袋，逐袋搬上去；山上冇得燒焊，我先設計好再喺舊廠車床整出組件，上山用螺絲裝嵌」。
蘇志強利用3至4年時間，終在配水庫上蓋製作15個土炮健身器材，包括單槓、單車、騎馬機、拉繩、扭腰機及轆身機等，供街坊使用，他還要勞心勞力，定期檢查及唧機油保養，「我哋冇計回報，我都係長者，明白有乜需要」。如今水務署封鐵網阻止內進，地政總署威脅悉數拆卸，他憂慮心血難再複製。「舊廠兩年前執笠，冇車床造模，好難整過新嘅」，只望政府部門手下留情保留設施。
■記者文兆麟