越來越多家長唔怕麻煩，鍾意帶埋BB或者幾歲仔女一齊飛去旅行，飛短途幾粒鐘還好，飛長途十幾粒鐘，困住細路喺飛機入面，對大人細路同埋旁邊乘客都係一個好大嘅考驗。
維珍航空最近就拍咗條宣傳片，話會為細路乘客提供旅遊百寶袋，恐龍形狀通心粉兒童餐云云，內容冇乜特別，但係呢條片本身幾好睇，好好笑。
佢哋搵咗個小朋友扮空姐做乘客廣播，對白十分幽默抵死，好似話，如果細路忽然勁扭計，佢哋可以播放同一集Peppa Pig 47次；最後又提醒各位家長，對住扭計細路，you are not alone，機組人員會提供無限鼓勵同微笑咁話。識笑應該會覺得好好笑。
https://youtu.be/ovgcaq9MQOQ