【本報訊】聯招放榜，考生未獲派學位或心儀科目，仍可選擇到個別院校報讀其他課程，昨日香港專業教育學院（IVE）黃克競分校招生中心有零星學生前來報讀，部份有家長陪同。不願透露文憑試成績的張同學坦言「唔夠分讀學士」，「接受咗（未能入讀學士）現實，唔會因為呢個情況而喊」；本身兼職游泳教練的他指該院校未有運動相關課程，最終報讀工商管理基礎文憑，「讀完覺得適合會繼續讀，唔適合會再諗自己想讀嘅科……我唔會放棄（將來），會放棄就唔嚟呢度」。
恒管2,000人留位
英文成績未達標的考生趙同學，雖獲香港大學附屬學院的航空學副學士取錄，「但諗諗吓覺得前景唔係咁好，所以嚟報讀其他科」，最終報讀工程相關高級文憑課程。陳同學則報讀旅遊及會議展覽高級文憑，冀在餐飲業發展，他未有透露成績，僅指政府新設3萬元自資學士津貼幫助不大，「本身課程學費唔平，扣咗3萬蚊其實都差唔多」，也不會選學費較高的副學士。
IVE黃克競分校招生中心今最後一天運作；恒管稱目前近2,000人交留位費，與去年相若，截止報名日期為8月31日。
■記者葉偉東