感謝馬交Fan關照，星際Galaxy位於Festiva一年一度為期一個月至九月初，今年只賣$499 之「馬來西亞食品嘉年華」甫開幕即拉瘋狂愛上馬拉榴槤的我與同伴過大海，一日一夜吃了三餐來自遍佈東馬KK、砂磱越、西馬檳城、怡保、吉隆坡、馬六甲、新山等等豐盛傳統美食並十多種優質榴槤，包括：葫蘆、紅蝦、D24、D88……及港人瘋狂喜愛的貓山王。
供應的食品太豐富，光看已經飽到上心口，只好專注，就吃來自怡保大廚Bobby及西班牙出生成長年輕David開來的揀手貨。
邊吃，耳際響起……「馬拉榴槤、甚至榴槤糕，有得食快啲食，遲啲怕且想買買唔到，想食冇得食……」
以上這段對話來自一個月前，筆者與好友共八人以放題吃優質馬來西亞榴槤飛去檳城、怡保一帶大快朵頤；某夜出巡搜食，常去的檔口老闆見我拿着比去年貴了起碼25個巴先榴槤糕索味之際，說出語重心長。
點解？
中國內地人發現了馬拉榴槤之深度質優味美，至大鑊一致認同：唔貴！一啲都唔貴！
價錢不夠高貴入不了強人眼，好，買起你，一、二、三將它炒起，到時一粒（一個）貓山王品種賣5000港元，甚至一、兩萬毫不猶豫。他們甚至會告訴你：增城掛綠荔枝拍賣到多少多少萬一粒。
日本溫室蜜瓜、葡萄動輒一兩千元幾粒一個！
將水果炒貴始作俑者……其實日本人；廿幾年前菲律賓探朋友，遊車河途經他們家偌大芒果園，阿基諾總統個表叔既感嘆又興奮：日本人看中呂宋芒，日後我們都要吃貴芒了……二十年河東、二十年河西，中國人今天看中某種食品，你還是有得吃快啲吃，說不定不久之將來出現以下幾個現象：貴到離譜／食到絕種／食厭了，打入冷宮，賤如草芥、棄婦！