【本報訊】一輛日產七人車上周五（4日）開始在九龍城獅子石道小巴站頭違泊，阻礙小巴埋站及乘客上落，司機位車窗更開啟，車內露出一部三星手機惹人犯罪，至昨天該車仍原封不動，雨擋夾着3張違例泊車告票（俗稱牛肉乾）。
收3張「牛肉乾」
現場為獅子石道70至72號對開慢線小巴站頭。小巴司機曾先生指，七人車上周五傍晚5時開始停泊該處，「架車泊喺度好多次，記唔到咁多，差人都搞唔掂，我哋都冇辦法」。他坦言受該車影響，小巴埋唔到站，「惟有擺出面」。
現場所見，七人車的車窗打開。七人車車頭雨擋夾了3張違例泊車告票，分別是前天及昨天發出。車頭還附有一張由警員手寫的字條，內容是「由於司機位車窗開啟，而車上放了一部電話於當眼處，警方為免你有所損失，將你一部白色SAMSUNG手機撿取，並帶回九龍城警署保管」。
據汽車登記資料，車主姓曾，報住九龍城啟德道一地下單位。記者到上址查詢，發現現場是車房，但車房職員表示並不認識車主，懷疑是上手業主，該車亦不屬於車房。
■記者簡明恩