舊年上市嘅「翠如BB股」聯旺（8217），年半以來，股價走勢勁過過車山，最高超過25蚊，近排撻落嚟，噚日收報0.44元，但仍然高過招股價0.26元。咁啱公司噚日首次舉行股東會，可惜黃翠如爸爸、即係公司行政總裁黃永華似係避得就避，唔見傳媒囉。聯旺喺沙田萬怡酒店舉行股東會，華華多次想走近會場探個究竟，無奈每次都俾酒店保安攔截。粗略估計，股東會現場約有十幾個小股東。華華兩度行近會場，見到黃永華同幾個小股東食住蛋糕，笑住傾偈，但就未見主席黃智果。而轉過頭，黃永華就似係從其他通道離開酒店了。