【科技透視】
提起飛利浦，港人近年可能較熟悉其小家電，但其實燈泡才是飛利浦起家的代表作。作為全球最大燈泡製造商之一，飛利浦亦面臨轉型──傳統鎢絲燈使用率越來越低，LED競爭加劇。飛利浦照明香港總經理麥啟明稱，集團正致力轉型，由賣燈轉為賣智能照明系統，例如利用可見光通訊技術（VLC）為商場提供定位服務。
靠光管作定位
「我哋唔係只賣燈，我哋賣緊係一個解決方案」，飛利浦近年積極發展智能照明系統，2012年推CityTouch業務，全球項目逾850個，主要為城市鋪設互聯的智能路燈。麥指智能路燈安裝感應器和連接網絡，即可傳送數據至控制中心，如路燈損壞、附近交通、空氣質素等。現於印尼首都雅加達、美國洛杉磯等地試行，香港尚未引入。
本港約有14萬支路燈，惟飛利浦香港高級市場經理周家俊坦言，雖然政府加速更新路燈，惟大部份地區仍沿用傳統燈泡，「香港LED路燈發展係慢嘅，幾年前開始有試點，一路冇大規模更新換代，莫講智能路燈」。
商業方案中，除了路燈互聯，VLC亦為近年大熱，即室內光管變身定位系統。麥啟明指VLC以光波傳送訊息至手機應用程式，通過光管位置，顯示用戶定位，毋須GPS。如此一來，若商場設計複雜，系統可提供定位服務，指引路線；更商業化些，顧客行近商戶可彈出相關推廣訊息。
麥稱商場可藉此了解人流動向，「譬如大部份人去1至5樓，好少人去6樓，不如改咗佢做戲院，重新分配合適嘅資源」。飛利浦VLC系統已獲法國一間家樂福、杜拜超市aswaaq採用，助顧客迅速搜尋貨品位置。而飛利浦的專業照明解決方案，去年收入達26.83億歐元，佔總收入38%。
實際上，過去幾年照明市場競爭激烈，內地廠商掀起價格戰，德國百年品牌歐司朗（Osram）去年更出售其照明業務予中資企業。周家俊指，目前是傳統燈泡轉換至LED的過渡期，不少工廠試圖自行組裝LED搶佔市場，「之前好長一段時間係冇一個國際準則，所以好多人自己搭咗一粒LED燈殼就話自己係LED供應商，市場上競爭對手多咗」。
他直言，「好多參差不齊嘅人搶緊同一嚿餅」，但飛利浦品牌屹立逾125年，一直研發新技術，「以我哋技術水平，標準出嚟嗰陣，一樣會喺呢個位置，唔擔心（照明）行業難做咗」。
記者：卓茗