前特首梁振英撤出禮賓府後，因為仍然以政協副主席身份，腳踏國家領導人嘅大舞台，所以仲不時會見到佢活躍於香港政壇，尤其有關一帶一路發展同大灣區規劃嘅活動，肯定會見到佢出沒。但相信連自由黨榮譽主席田北俊都估唔到，就算遠離香港，都一定見到「689」！
無錯，田少係喺遠方，都同「689」相遇，果然不是冤家不聚頭？話說身在外地度假嘅田少，喺facebook貼咗張相，帖文寫住：「夏威夷租車發生靈異事件。」有咩事咁得人驚？睇埋hashtag，「識睇梗係睇車牌啦」、「冤魂不散」、「好猛」，答案顯而易見。
其實有得「踩」住689四圍走，都未嘗不是賞心樂事，所以唔好奇怪，點解田少同「689」嘅合照時會笑咪咪！