由郭子健執導的電影《悟空傳》，改編自今何在的同名小說，講述抗爭。在香港現今非黑即白、敵我分明的年代，對號入座可以引伸出多層意義。早前郭子健在尖沙嘴接受訪問，認為解讀是觀眾的自由：「電影出嚟後嘅我控制唔到。」他表示其電影從來都是人對命運的抗爭，《打擂台》如是，《悟》片亦如是。
被取笑入行遲
郭子健談到原著故事就只有一條主幹，就是孫悟空調查殺死唐三藏的兇手：「小說最吸引係抗爭嘅意識，不畏強權，為咗理想，完成自己，不斷去對抗唔公平，向權威宣戰，悟空嘅精神。今何在係內地長大嘅人，都有咁嘅思維模式，裏面寫出嚟嘅嘢好中。」郭子健作為70後，當年被成年人看不起，因為讀書不成，只愛看漫畫。到2000年入行做電影，被人笑太遲。
《悟》片中的花果山被天庭鏟平，沒有了代表自由的彩霞，當中包含的不言而喻。郭子健將原著大改特改，被內地小說迷大罵，他笑說：「呢個係我同原作者嘅共識，原作者講過一句話，當年寫《悟空傳》係基於自由創作，顛覆咗好多嘢，對神仙制度、極權控制，所謂規範作出痛快痛擊，如果佢要我跟足佢嘅小說，即係畀另一個規範我，佢變咗另一個神仙，違背咗自己，只要唔違背悟空嘅精神，對專制睇唔過眼，藐視權威，用自己力量，就算失敗都堅持落去。」
「睇到乜就係乜」
另外，郭子健昨日傍晚與演員彭于晏、余文樂及特技導演黃智亨在旺角出席《悟空傳》見面會，眾人接受訪問時，被問到戲中有隱喻，當中「花果山」消失被解讀成香港自由減少，余文樂說：「各有各自己想像，電影每人接收不同，唔需要講實，好似睇畫咁睇到乜就係乜。」
採訪：張俊鉻、羅慧敏
攝影：陳慧安
場地提供：Hotel Icon
